Chelsea hefur áhuga á Openda - Arsenal vill Onana - Chelsea hafnar tilboði Atletico
   þri 11. júní 2024 12:19
Sæbjörn Þór Þórbergsson Steinke
Vonast til að framtíðin verði ljós í júlí - „Veit ekki alveg hvernig ég á að haga mér"
Icelandair
Jóhann Berg og Wijnaldum eftir leik í gær.
Jóhann Berg og Wijnaldum eftir leik í gær.
Mynd: Fótbolti.net - Hafliði Breiðfjörð
Fyrirliði landsliðsins.
Fyrirliði landsliðsins.
Mynd: Fótbolti.net - Hafliði Breiðfjörð
„Það tekur bara við frí, fríið langa," sagði Jóhann Berg Guðmundsson og hló. Fyrirliði íslenska landsliðsins var í viðtali við Elvar Geir Magnússon eftir leikinn gegn Hollandi í gær og var hann spurður út í framhaldið.

Jóhann Berg, sem er 33 ára, ákvað að framlengja ekki samning sinn við Burnley og er sem stendur án félags.

Lestu um leikinn: Holland 4 -  0 Ísland

„Ég er að fara með fjölskyldunni til Ítalíu, Spánar og Íslands. Það er ekkert stress á mér, bara njóta þess að vera nokkuð frjáls, enginn að segja mér hvert ég á að mæta og hvenær. Svo sjáum við í hvaða lið ég fer."

„Mér finnst ég eiga nóg inni og finnst ég hafa sýnt það ágætlega í þessum tveimur leikjum. Vonandi kemur eitthvað spennandi upp. Fyrst ætla ég að slaka á og njóta þess að vera með fjölskyldunni."

„Ég vildi að ég gæti sagt þér það. Það gerist kannski ekki strax, vonandi verður það einhvern tímann í júlí þar sem hlutirnir fara að gerast. EM tekur við núna og það kannski seinkar þessu ferli öllu. Ég ætla bara að slaka á og njóta þess."

„Ég hef aldrei verið í þessari stöðu og veit kannski ekki alveg hvernig ég á að haga mér. Maður auðvitað heldur sér í formi. Núna er það frí og slökun í nokkrar vikur. Þetta var mjög strembið tímabil með Burnley og svo þessir tveir erfiðu leikir. Það er búið að vera nóg að gera, nú er það aðeins að slökkva á líkamanum, höfðinu og njóta þess að vera í fríi,"
sagði Jói sem var leikmaður Burnley í átta ár.
Athugasemdir
banner
banner
banner