Þessi 22 ára gamli miðjumaður Cagliari, hefur spilað með liðinu síðustu fimm tímabil og spilað 112 leiki. Hann hefur þá gert 7 mörk og lagt upp 6 mörk á tíma sínum þar.

Inter og Cagliari hafa lengi vel verið í viðræðum um Barella en nú er samkomulag í höfn.

Inter greiðir Cagliari 45 milljónir evra. Fyrst kemur Inter til með að borga þeim 10 milljónir evra en Barella verður á láni í eitt ár áður en hann verður keyptur fyrir restina af upphæðinni sem eru 35 milljónir evra.

Hann mun gangast undir læknisskoðun hjá Inter á morgun áður en hann krotar undir samninginn.

Hann á 7 leiki að baki fyrir ítalska A-landsliðið og hefur hann gert 2 mörk í þeim leikjum.