„Tilfinningin er virkilega góð, ekki mörg lið sem hafa gert þetta," sagði Damir Muminovic hetja Breiðabliks í 1-0 sigri liðsins gegn Shamrock Rovers í undankeppni riðlakeppni Meistaradeildarinnar í kvöld.
Lestu um leikinn: Shamrock Rovers 0 - 1 Breiðablik
Fótbolti.net heyrði í Damir eftir leikinn en hann skoraði markið með neglu beint úr aukaspyrnu.
„Við erum oft með einhverja sláarkeppni daginn fyrir leik, þegar maður er pirraður þá þrumar maður í slána, ég held að þjálfararnir hafi tekið eftir því," sagði Damir og hló.
„Mér fannst ég hitta hann vel, ég sá að markmaðurinn tók skref til vinstri svo lá boltinn í netinu, það var mjög góð tilfinning."
Damir benti á að hann hafi skorað í þremur af fimm tilraunum úr aukaspyrnu. Er þetta besta markið á ferlinum?
„Alveg 100%, ég skora ekki oft," sagði Damir.
Sjá einnig:
Sjáðu markið: Ótrúlegt bylmingsskot Damir kom Blikum yfir
