Gylfi Þór Sigurðsson var slakasti maður Everton í 2-1 sigrinum á Wolves í ensku úrvalsdeildinni í kvöld, að mati staðarmiðilsins Liverpool Echo.
Gylfi, sem var fyrirliði Everton í kvöld, fær 5 í einkunn fyrir frammistöðu sína. Hann spilaði sem sóknarmaður í kvöld en það er ekki hans besta staða.
„Það er ekki auðvelt þegar þú ert beðinn um að leiða línuna þegar þú ert ekki sóknarmaður og hann fékk boltann oft með bakið í markið. Ancelotti hefur búist við betra 'link-up' spili frá honum," segir í umsögn Liverpool Echo.
Einkunnagjöfina má sjá í heild sinni hérna.
Everton er í fjórða sæti ensku úrvalsdeildarinnar eftir sigurinn í kvöld.
Athugasemdir