Heimamenn í Leicester hafa verið að gera góða hluti frá því að Brendan Rodgers tók við fyrir rúmum mánuði síðan. Liðið hefur unnið fjóra af fimm leikjum undir hans stjórn og er komið upp í sjöunda sæti, sem gæti gefið þátttökurétt í Evrópudeildina á næsta tímabili.

Newcastle er tólf stigum fyrir neðan Leicester en þó sjö stigum frá fallsæti. Lærisveinar Rafael Benitez mæta hungraðir eftir tvo tapleiki í röð, vitandi það að sigur mun líklega forða félaginu frá falli.

Það er ekki mikið um breytingar í byrjunarliðum kvöldsins þar sem Harry Maguire kemur aftur inn í vörn Leicester á meðan Javier Manquillo og Paul Dummett koma aftur inn í vörnina hjá Newcastle.

Leicester: Schmeichel, Pereira, Morgan, Maguire, Chilwell, Tielemans, Ndidi, Gray, Maddison, Barnes, Vardy
Varamenn: Ward, Albrighton, Evans, Mendy, Fuchs, Okazaki, Iheanacho

Newcastle: Dubravka, Manquillo, Lascelles, Schar, Dummett, Ritchie, Ki, Hayden, Almiron, Perez, Rondon
Varamenn: Darlow, Yedlin, Fernandez, Diame, Atsu, Shelvey, Muto