„Þetta gefur okkur fyrst og fremst ánægju, það er langt síðan við unnum síðast. Við höfum oft spilað betri leiki. Liðsheildin og liðsandinn var góður í dag og það sem skóp sigurinn í dag var vinnuframlag hvers einasta leikmanns."
Sagði sáttur Þorvaldur Örlygsson, þjálfari Stjörnunnar, eftir sigur gegn Val í kvöld. Sigurinn var sá fyrsti hjá Stjörnunni í sumar.
Hljóðgæðin í viðtalinu eru ekki frábær en myndband fylgir samt með. Vindur og tónlist setja smá svip á viðtalið.
Sagði sáttur Þorvaldur Örlygsson, þjálfari Stjörnunnar, eftir sigur gegn Val í kvöld. Sigurinn var sá fyrsti hjá Stjörnunni í sumar.
Hljóðgæðin í viðtalinu eru ekki frábær en myndband fylgir samt með. Vindur og tónlist setja smá svip á viðtalið.
Lestu um leikinn: Stjarnan 2 - 1 Valur
Þorvaldur segir í viðtalinu að Stjörnumenn hafi mætt sterkir til leiks í seinni hálfleik. Tristan Freyr Ingólfsson vann í tvígang boltann hátt uppi á vellinum og kom með stoðsendingar í kjölfarið.
„Ég er virkilega ánægður með það. Hann kom með þriðja færið á Þorstein og hann skaut rétt yfir. Tristan er hættulegur fram á við, er að þroskast, er að bæta sig og verður vonandi enn betri með hverjum deginum."
Fréttaritari velti fyrir sér fyrir leik, með framherjann Emil Atlason í leikbanni, hver ætti að skora í liði Stjörnunnar.
„Auðvitað er búið að tala um litla markaskorun og það er skiljanlegt. Hilmar skorar gott mark í dag, þetta hefur ekki dottið með honum. Stundum dettur það ekki og mörk breyta oft leikjunum og svo getur það breytt persónum að fá þetta eina mark og fá sjálfstraust," sagði Toddi.
Athugasemdir