Almarr var svekktur með úrslitin.
Almarr Ormarsson, leikmaður KA, var eðlilega svekktur eftir 2-2 jafntefli liðsins gegn Grindavík í Inkasso-deildinni í kvöld.
Gestirnir frá Akureyri leiddu 2-0 í hálfleik en Grindvíkingar jöfnuðu metin með tveimur mörkum í síðari hálfleiknum.
Gestirnir frá Akureyri leiddu 2-0 í hálfleik en Grindvíkingar jöfnuðu metin með tveimur mörkum í síðari hálfleiknum.
Lestu um leikinn: Grindavík 2 - 2 KA
„Þegar maður fer inn í hálfleik með 2-0 forystu vill maður vinna leikina, það er ekki spurning, en miðað við hvernig við spiluðum fannst mér við ekki eiga meira skilið úr þessum leik. Maður er pirraður beint eftir leik að hafa náð bara einu stigi en ég held við hefðum getað gert betur en þetta," sagði Almarr eftir leikinn.
„Mér fannst við leyfa þeim að gera of mikið. Þeir spila alveg hörkufínan bolta og ég tek það ekki af þeim en við eigum að geta varist því betur. Við vorum búnir að tala um að þeir væru góðir í föstum leikatriðum þegar þeir eru með vindinn í bakið og þeir skora á fyrstu mínútu í seinni hálfleik með vindinn í bakið. Við eigum að gera betur en það."
Viðtalið má sjá í heild sinni hér að ofan.
