ÍA fór upp í annað sæti deildarinnar með sigrinum en liðinu var fyrir mót spáð í neðri hlutanum. Jóhannes sendi pillu á Davíð Þór, fyrrum fyrirliða FH, í viðtali eftir leik.

„Ég er virkilega ánægður með hvað það er mikil framför í hlutunum hjá okkur þó ég hefði viljað vinna síðasta leik en við unnum leikinn í dag. Þetta blasir vel við mér og ætla ég að vona að sumarið blasi vel við fleirum þó að umræðan oft á tíðum að deildin verði tvískipt. Davíð Þór Viðarsson telur gæði oft á tíðum ekki nógu góð í hinum liðunum í landinu sem mér finnst alveg ótrúlega fáránleg ummæli frá manni sem er sérfræðingur á Stöð 2 Sport," sagði Jói Kalli.

„Það eru fullt af góðum liðum í deildinni. Mörg góð lið sem eru að byggja upp til framtíðar og er það vanvirðing við deildina að tala um það að sumir leikir séu ekki eins merkilegir og aðrir sem er algjör vanvirðing við fótboltann í landinu."

Hérna má lesa viðtalið við Jóa Kalla. Hér að neðan má svo sjá viðtalið sem Fótbolti.net tók við hann í kvöld.