Jóhann Berg Guðmundsson
Jóhann Berg Guðmundsson var að sjálfsögðu svekktur eftir 2-0 tap gegn Króatíu í undankeppni HM í kvöld.
Íslenska liðið spilaði ágætlega í leiknum en það vantaði að skapa betri færi og nýta þau fáu sem komu, aðeins betur. Jói segir íslenska liðið ekki hafa verið síðra í leiknum.
Íslenska liðið spilaði ágætlega í leiknum en það vantaði að skapa betri færi og nýta þau fáu sem komu, aðeins betur. Jói segir íslenska liðið ekki hafa verið síðra í leiknum.
„Þetta var svekkjandi, mér fannst við vera mjög góðir í fyrri hálfleik og við áttum að skora þá en við vorum ekki nógu góðir í seinni þó við fengum fínt færi til að jafna."
„Þetta var puð eins og þeir vildu hafa þetta. Þeir voru 1-0 yfir og það var ekkert stress á þeim."
Jói segir liðið ætla að pakka þeim saman í seinni leik liðanna á laugardalsvelli, næsta sumar.
„Við vorum alveg jafn góðir og þeir. Þeir eru með leikmenn í einhverjum stórum liðum en það skiptir okkur engu máli. Við sýndum það í dag að við erum alveg jafn góðir og þeir. Við eigum eftir að spila við þá á heimavelli og það er eins gott að við pökkum þeim saman þar," sagði Jóhann Berg.
