Malen, Maguire, Rashford, Greenwood, Yoro, Eriksen og fleiri góðir í slúðri dagsins
   þri 12. nóvember 2019 13:00
Magnús Már Einarsson
Robertson og McTominay ekki með Skotum vegna meiðsla
Andy Robertson.
Andy Robertson.
Mynd: Getty Images
Andy Robertson, Scott McTominay og Ryan Fraser hafa allir dregið sig úr skoska landsliðshópnum fyrir komandi leiki gegn Kýpur og Kasakstan í undankeppni EM.

Allir leikmennirnir hafa ákveðið að draga sig úr hópnum vegna meiðsla.

Vinstri bakvörðurinn Robertson spilaði 90 mínútur í 3-1 sigri Liverpool á Manchester City á sunnudag en hann mun nú hvíla í landsleikjahléinu.

McTominay fór meiddur af velli í 3-1 sigri Manchester United á Brighton. McTominay meiddist á ökkla og óvíst er hvort hann nái næsta leik gegn Sheffield United þann 24. nóvember.

Graeme Shinnie og Lewis Morgan koma inn í skoska hópinn í staðinn en Kieran Tierney, vinstri bakvörður Arsenal, hafði óskað eftir að fá frí í þessu verkefni og því mun hann ekki fylla skarð Robertson.
Athugasemdir
banner
banner
banner
banner