Víðir Sigurðsson
Víðir Sigurðsson, íþróttafréttamaður á Morgunblaðinu hefur séð um það í 35 ár að skrifa bækurnar um íslenska knattspyrnu.
Hann hefur nú gefið út Íslensk knattspyrna 2016 en hann hefur skrifað bækurnar árlega síðan árið 1981. Árið í ár var að sjálfsögðu gríðarlega stórt fyrir íslenska knattspyrnu þar sem landsliðið komst alla leið í 8-liða úrslit á EM í Frakklandi.
Víðir segist ekki vera kominn með leið á því að skrifa bækur á hverju ári.
Hann hefur nú gefið út Íslensk knattspyrna 2016 en hann hefur skrifað bækurnar árlega síðan árið 1981. Árið í ár var að sjálfsögðu gríðarlega stórt fyrir íslenska knattspyrnu þar sem landsliðið komst alla leið í 8-liða úrslit á EM í Frakklandi.
Víðir segist ekki vera kominn með leið á því að skrifa bækur á hverju ári.
„Þetta er sú 35. sem ég kem að en þetta er bók númer 36 í röðinni. Þetta er búið að vera í gangi síðan 1981. Þetta er skemmtilegt verkefni fyrir þann sem hefur áhuga á fótbolta. Þetta hefur alltaf verið skemmtilegt verk að vinna og það er alltaf jafn gaman þegar það er tilbúið."
Víðir gaf út auka bók í ár en sú ber nafnið HÚH! Bókin er um Evrópumótið en þar var hann sem fréttamaður og skrifaði hann um upplifun sína þar.
„Þetta er óvenjuleg bók að því leyti að ég hef aldrei fengist við það áður að skrifa beint frá eigin brjósti. Ég var úti í Frakklandi í sumar þar sem ég skrifaði dagbók upp á hvern dag og skrifaði einn kafla í lok hvers dags um það sem hafði gerst."
„Þetta er magnaðasti íþróttaviðburður sem ég hef upplifað og unnið í kringum og það eru allir á einu máli, hvort sem þeir voru þarna sem áhorfendur, fréttamenn eða hvað, þetta er sumarið í Frakklandi sem menn gleyma aldrei," sagði Víðir.
Viðtalið við Víði má sjá í heild sinni hér að ofan.
