„Þetta er frábær staða til að vera í," sagði Ole Gunnar Solskjær, stjóri Manchester United, eftir að liðið skellti sér á toppinn í ensku úrvalsdeildinni með 1-0 útisigri á Burnley í gærkvöldi.

Manchester United heimsækir erkifjendur sína í Liverpool í toppslag á sunnudaginn og Solskjær er spenntur fyrir þeim leik.

„Auðvitað vitum við að við erum að fara að mæta meisturunum sem hafa verið ótrúlegir síðustu þrjú og hálf tímabil. Við vitum að þetta verður erfiður leikur fyrir okkur en við erum klárir í það."

„Við hefðum ekki getað beðið um betri tíma til að spila gegn þeim því við erum í góðu formi og erum hugraðir sem er gott því að þessir strákar vilja verða betri og þetta reynir á karakterinn og gæðin hjá okkur."

„Við erum spenntir. Þetta er frábært próf til að sjá hvar við stöndum gegn góðu liði. Tímabilið er næstum því hálfnað svo þetta gefur vísbendingar um það hvar við stöndum en enginn mun muna hvernig stöðutaflan leit út 12. janúar."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit