Aluko vill að það verði fjárfest í Jill Ellis

Ellis er fædd og uppalin í Englandi, en hún flutti til Bandaríkjana þegar hún var 15 ára. Hún var síðast landsliðsþjálfari Bandaríkjana frá 2014 til 2019.

Hún var með 87,5 prósent sigurhlutfall á fimm árum hjá bandaríska landsliðinu og stýrði liðinu tvisvar til sigurs á HM. Á síðasta Heimsmeistaramóti sem fram fór í Frakklandi síðasta sumar sló Bandaríkin lið Englands út í undanúrslitunum. Eftir HM hætti hún sem þjálfari liðsins, en í dag starfar hún sem sendiherra fyrir bandaríska knattspyrnu.

Neville er að hætta með England þegar samningur hans rennur út á næsta ári. Hann mun ekki stýra Englandi á EM á heimavelli 2022, en svo gæti farið að hann stýri liðinu á Ólympíuleikunum. Hann er að hjálpa enska knattspyrnusambandinu að finna eftirmann sinn.

Aluko ræddi við Sky Sports og sagði: „Ég held að Jill Ellis sé sú sem gæti komið inn og hjálpað Englandi að vinna titla."

„Enska kvennalandsliðið hefur verið að koma í undanúrslit en núna þurfum við að fara að komast í úrslitaleiki og vinna mót; vinna Heimsmeistaramót og Evrópumót. Jill Ellis hefur unnið Heimsmeistaramót og Ólympíuleika með Bandaríkjunum. Hún er með reynslu og hefur unnið með bestu íþróttamönnum í heimi."

„Ég held að eina vandamálið með Jill Ellis sé það hún mun örugglega biðja um að fá mjög vel borgað og hvort að enska knattspyrnusambandið sé til í þá fjárfestingu veit ég ekki," sagði Aluko.