Breiðablik og Keflavík áttust við í þriðju umferð Pepsí Max-deildar karla. Staðan var 1-0 fyrir Blikum í hálfleik en síðan settu Breiðablik upp sýningu í þeim síðari.
„Eftir 63 mínútur er enginn að hugsa um að þessi leikur fari 4-0 og þessi kafli þar sem þeir skora þrjú mörk á stuttum tíma það gerir útum leikinn," sagði Eysteinn Hauksson, þjálfari Keflavíkur, eftir leikinn.
„Eftir 63 mínútur er enginn að hugsa um að þessi leikur fari 4-0 og þessi kafli þar sem þeir skora þrjú mörk á stuttum tíma það gerir útum leikinn," sagði Eysteinn Hauksson, þjálfari Keflavíkur, eftir leikinn.
Lestu um leikinn: Breiðablik 4 - 0 Keflavík
Leikurinn er í ágætu jafnvægi í 65 mínútur þó Breiðablik hafi verið örlítið sterkari en Keflvíkingar fá á sig þrjú mörk á fimm mínútna kafla í þeim síðari.
„Það er erfitt að segja. Er þetta ekki bara einn af þessum hlutum sem gerist? Það sem mér sýnist er að við missum einbeitinguna þarna í að fá þá tvö mörk framúr okkur og erum þá ekki með kveikt á öllum perum og gerum ekki einföldu hlutina nógu vel.
„Þetta kemur bara eins og sprengja framan í okkur og erfitt að útskýra þetta með einhverju öðru en að menn eru ekki með hugan við að vinna vinnuna sína."
Nýliðarnir í Keflavík eru með þrjú stig eftir fyrstu þrjár umferðirnar og eru komnir með smjörþefin af Pepsí Max-deildinni og var Eysteinn Húni spurður hvort það væri gott fyrir leikmennina að fara upp og niður.
„Það sem er mikilvægast í þessu er stöðuleiki og við erum að móta okkar lið í þessari deild og uppskeran er þrjú stig eftir fyrstu þrjá sem þýðir stig á leik en við þurfum aðeins meira en það að meðaltali."
Viðtalið í heild sinni má sjá í sjónvarpinu hér að ofan.
Athugasemdir