Manchester United er búið að byggja upp afar öflugt fótboltalið og ætlar stjórn félagsins að sjá til þess að stjörnurnar hverfi ekki á brott á næstu misserum.
Stjórnin hefur ákveðið að setja samningsviðræður í miðjumennina Bruno Fernandes og Paul Pogba í forgang hjá sér. Pogba hefur verið orðaður við brottför frá félaginu á hverju sumri undanfarin ár en núna á hann aðeins tæpt ár eftir af samningi sínum við Rauðu djöflana.
Bruno Fernandes er samningsbundinn Man Utd til 2025 en félagið vill að hann skrifi undir nýjan samning fyrir áramót.
Fabrizio Romano greinir frá þessu en framtíð Pogba er afar óljós þar sem áhugi er til staðar frá stærstu knattspyrnufélögum Evrópu.
Athugasemdir
