Manchester United er í viðræðum við portúgalska félagið Sporting Lisabon um kaup á miðjumanninum Bruno Fernandes. Sky Sports segir að ennþá sé langt á milli aðila í viðræðunum.
Fréttir í Portúgal segja að Sporting vilji fá 60 milljónir punda fyrir Fernandes en félagið sé til í að skoða að fá varnarmanninn Marcos Rojo sem hluta af kaupveðrinu.
Manchester United ku vera tilbúið að leyfa Rojo að róa á önnur mið í þessum mánuði.
Ole Gunnar Solskjær vildi lítið tala um Fernandes á fréttamannafundi í dag.
„Ég er ekki með neinar fréttir af leikmannamálum. Þegar það er eitthvað að frétta þá látum við ykkur vita," sagði Solskjær.
Athugasemdir
