Gunnar Örn Jónsson, leikmaður Fylkis í Pepsi-deild karla, var ánægður með 2-0 sigur á Fram í kvöld.
,,Þetta var hrikalega ljúft. Það var kominn smá skrekkur í menn, komnir í neðsta sætið og það var ljúft að hirða þrjú stig á heimavelli," sagði Gunnar Örn.
,,Við vorum ekkert sérstakir í fyrri hálfleik, vorum að berjast og hlutirnir gengu ekki upp. Þeir bökkuðu og náðum ekki að brjóta þá á bak aftur en í seinni hálfleik byrjaði þetta að ganga."
,,Við vorum í neðsta sæti en veit ekki hvar við erum núna, áttunda eða níunda. Mér fannst eigin frammistaða fín, djöflast á kantinum en var búinn á því síðustu tíu mínúturnar. Ég þarf að fara í útihlaup," sagði hann ennfremur.
Hægt er að sjá viðtalið í heild sinni hér fyrir ofan.
