Josip Ilicic, slóvenskur framherji Atalanta, fékk að eiga boltann eftir magnaðan 3-4 sigur á útivelli gegn Valencia í 16-liða úrslitum Meistaradeildarinnar.
Ilicic var maður leiksins enda skoraði hann öll fjögur mörk sinna manna og fékk því að halda knettinum.
Slóveninn hafði engan áhuga á að halda boltanum útaf fyrir sig þrátt fyrir þetta magnaða afrek og gaf hann frekar til Papa Giovanni XXIII spítalans í Bergamó, heimaborg Atalanta.
Bergamó er eitt af þeim svæðum sem hefur lent verst í kórónaveirunni utan Kína.
„Bergamo, þetta er fyrir þig. #EkkiGefastUpp. Þetta er sigur sem ég tileinka til allra þeirra sem leggja þrotlausa vinnu í baráttunni gegn Covid-19 allan sólarhringinn," sagði Ilicic.
Athugasemdir
