Varnarmaðurinn fyrrverandi Andrea Barzagli er búinn að segja upp starfi sínu sem aðstoðarþjálfari Maurizio Sarri hjá Juventus.
Barzagli er 39 ára gamall og lék fyrir Juventus í átta ár, frá 2011 til 2019, auk þess að spila 73 leiki og verða heimsmeistari með landsliði Ítalíu.
Hann lagði skóna á hilluna eftir síðustu leiktíð og var strax ráðinn í þjálfarateymi Sarri.
„Þetta er lífsstílsákvörðun sem ég er að taka. Þetta var mjög erfið ákvörðun en ég áttaði mig á því að ég vildi njóta meiri tíma með fjölskyldunni sem hefur staðið við bakið á mér öll þessi ár," skrifaði Barzagli á Instagram.
„Ég valdi fjölskylduna mína framyfir Juventus-fjölskylduna. Ég mun vera ævinlega þakklátur Juventus fyrir allt sem félagið hefur gert fyrir mig, en þetta var rétt ákvörðun fyrir mig á þessum tímapunkti."
Athugasemdir