Þýska liðið Stuttgart var á leið í umspil um sæti í þýsku deildinni fyrir lokaumferðina í gær. Tímabilið var erfitt en stuðningsmenn félagsins gátu þó glaðst yfir hálfgerðu kraftaverki sem átti sér stað í uppbótartíma.
Stuttgart sat í 16. sæti deildarinnar með 30 stig og til þess að halda sér uppi þurfti liðið að vinna og treysta á að Hertha Berlín myndi tapa fyrir Borussia Dortmund.
Dortmund gerði sitt. Það var hinn kornungi Youssoufa Moukoko sem gerði sigurmark Dortmund á 84. mínútu gegn Herthu og ljóst að Stuttgart þyrfti að vinna.
Staðan var 1-1 og fjórum mínútum bætt við venjulegan leiktíma en þegar rúm mínútu var búin af uppbótartímanum skoraði Wataru Endo sigurmark Stuttgart.
Það ætlaði allt um koll að keyra á heimavelli liðsins og braust út gríðarlegur fögnuður. Þegar flautað var til leiksloka hlupu svo stuðningsmenn inn á völlinn og héldu gott teiti en myndbönd af því má sjá hér fyrir neðan.
STUTTGART SCORE A 92ND MINUTE WINNER TO STAY IN THE BUNDESLIGA!!! 😱 pic.twitter.com/MSCfun2LSg
— ESPN FC (@ESPNFC) May 14, 2022
SCENES IN STUTTGART! 🙌 pic.twitter.com/861UZCngC8
— ESPN FC (@ESPNFC) May 14, 2022
Athugasemdir