Athletic Bilbao 1 - 1 Getafe
1-0 Oihan Sancet ('27)
1-1 Chrisantus Uche ('64)
1-0 Oihan Sancet ('27)
1-1 Chrisantus Uche ('64)
Nico Williams byrjaði á bekknum er Athletic Bilbao mætti til leiks í fyrstu umferð nýs deildartímabils á Spáni.
Athletic fékk Getafe í heimsókn til Baskalands og ríkti mikið jafnræði í nokkuð tíðindalitlum leik sem einkenndist af mikilli baráttu.
Oihan Sancet tók forystuna fyrir Athletic á 27. mínútu eftir að skot hans breytti um stefnu af varnarmanni áður en hann fór í netið. Sancet fékk góða stoðsendingu frá Gorka Guruzeta.
Getafe byrjaði seinni hálfleikinn betur og verðskuldaði jöfnunarmark á 64. mínútu þegar Chrisantus Uche skoraði í frumraun sinni fyrir félagið.
Uche er 21 árs gamall varnarsinnaður miðjumaður sem var fenginn til Getafe í sumar eftir að hafa leikið með AD Ceuta í þriðju efstu deild spænska boltans á síðustu leiktíð, en þar stóð Uche sig ótrúlega vel og var einn af bestu leikmönnum deildarinnar.
Er tók að líða á síðari hálfleikinn var kantmanninum knáa Nico Williams loks skipt inn á völlinn og við það lifnaði sóknarleikur Athletic til lífsins.
Williams komst nálægt því að skora á lokakaflanum en tókst ekki á þeim 20 mínútum sem hann fékk og því urðu lokatölur 1-1.
Williams er gríðarlega eftirsóttur eftir frábæra frammistöðu með spænska landsliðinu sem vann Evrópumótið í sumar. Barcelona og PSG eru talin vera sérlega áhugasöm.
Athugasemdir
