Hann stimplaði sig rækilega inn í úrvalsdeildina með þrennu gegn Burnley. Pulisic skoraði alls sex mörk í sjö leikjum í kringum þann leik. Pulisic viðurkennir að það hafi tekið smá tíma að aðlagast úrvalsdeildinni.

„Það er alltaf breyting að koma inn í nýja deild. Þetta er deild þar sem þétt er spilað og mikið að gerast, þetta var alls ekki auðvelt til að byrja með," sagði Pulisic í viðtali við ESPN.

„Mér finnst ég hafa farið vaxandi og finnst ég hafa spilað vel undanfarið. Ég átti aldrei von á því að mæta í fyrsta leik og skora tíu mörk í mínum fyrsta leik."

„Ég er enn að læra og þetta er bara mitt fyrsta tímabil. Ég vil bara vera tilbúinn sem fyrst og einbeiti mér alltaf að næsta andstæðingi," sagði Pulisic að lokum.