„Þú heyrir pirringinn í kringum Emptyhad," sagði Beglin þegar staðan var enn markalaus, áður en hann leiðrétti sig og sagði Etihad - eins og leikvangurinn nú heitir.

Stuðningsmenn annarra félaga hafa oft gert grín að Manchester City og kallað völl þeirra 'Emptyhad' þar sem það gekk oft illa að manna 55 þúsund manna leikvanginn.

Beglin baðst afsökunar á þessum mistökum sínum. Hann hefur örugglega fengið marga leiðinlega pósta í kjölfarið á því að hann mismælti sig.

„Ég ber gríðarlega mikla viðingu fyrir Manchester City. Ég mismælti mig og það var aldrei nokkurn tímann ætlun mín að sýna stuðningsfólki félagsins vanvirðingu," skrifaði Beglin á Twitter.