„Þessi leikur var allt í lagi. Mér fannst hann fínn í fyrri hálfleik þar sem við fengum 3-4 fín færi. Þetta var ágætis æfing, við prófuðum hluti sem við vorum að kíkja á. Það gekk ágætlega," sagði Brynjar Björn Gunnarsson, þjálfari HK, eftir 1-2 tap gegn Grindavík í Lengjubikarnum í gær, leikið var í Kórnum.
Viðtalið í heild sinni má sjá og heyra í spilaranum hér að ofan.
Viðtalið í heild sinni má sjá og heyra í spilaranum hér að ofan.
Hvernig var fyrir Brynjar að fá Guðmund Þór Júlíusson inn í liðið. Guðmundur lék í 28 mínútur í gær.
„Það er frábært. Frábært fyrir hann að komast inn á völlinn í þennan tíma sem hann lék. Gott fyrir hann að fá þennan leik, hann er í alvöru standi. Nú er að byggja ofan á þessar mínútur sem hann fékk í dag."
Guðmundur var tekinn af velli eftir tæplega hálftíma leik. Brynjar segir það hafa verið planið að hann myndi spila þetta lengi í þessum fyrsta leik eftir löng meiðsli.
Sjá einnig:
Gummi Júl: Geðveikt að ná 28 mínútum
Lítur Brynjar á endurkomu Guðmundar eins og nýjan leikmann inn í varnarlínuna? Liðið missir Björn Berg Bryde frá síðustu leiktíð sem lék í miðverðinum.
„Að einhverju leyti. Gummi hefði sennilega spilað í fyrra hefði hann verið heill og við hefðum kannski ekki fengið Björn inn í liðið. Það er svolítið staðan að Gummi kemur í staðinn fyrir Björn," sagði Brynjar Björn við Fótbolta.net
Athugasemdir