RB Leipzig 0 - 0 Hoffenheim
RB Leipzig tapaði mikilvægum stigum í titilbaráttunni í Þýskalandi í kvöld er Hoffenheim kom í heimsókn.
Þetta var ekki skemmtilegur leikur. RB Leipzig var meira með boltann en átti aðeins tvö skot á rammann. Hoffenheim átti ekki eitt einasta skot á markið.
Eins og tölfræðin gefur kannski til kynna þá endaði leikurinn með markalausu jafntefli. Leipzig skoraði í blálokin en það mark var dæmt af vegna hendi í aðdragandanum.
Leipzig er í öðru sæti, fjórum stigum á eftir Bayern. Meistararnir í Bayern geta náð sjö stiga forskoti á morgun með því að vinna Wolfsburg á útivelli. Hoffenheim er í 11. sæti.
Athugasemdir