Kristianstad fékk Hammarby í heimsókn í sænsku kvennadeildinni í dag.
Amanda Andradóttir var í byrjunarliðinu en Emelía Óskarsdóttir byrjaði á bekknum, hún kom hins vegar inná undir lok fyrri hálfleiks.
Staðan var 1-0 í hálfleik en það var Amanda sem skoraði markið. Kristianstad skoraði tvö mörk í síðari hálfleik áður en Hammarby náði að klóra í bakkann, 3-1 lokatölur.
Hin 16 ára gamla Emelía skoraði þriðja markið en þetta var fyrsta markið hennar fyrir aðallið félagsins.
Guðrún Arnardóttir var í byrjunarliði Rosengard sem valtaði yfir Kalmar, 6-2 urðu lokatölur. Rosengard er á toppi deildarinnar eftir 20 umferðir, þrem stigum á undan Kristianstad sem er í sætinu fyrir neðan.
Orri Steinn Óskarsson leikmaður FC Kaupmannahafnar var ánægður með systur sína.
16 ára? Damallsvenskan? ekkert mál, pic.twitter.com/PV6HMc9Tva
— orri steinn (@orristeinn29) September 16, 2022