Harry Maguire verður með enska landsliðinu á morgun sem spilar við Skotland á EM 2020.
Maguire missti af fyrsta leik Englands gegn Króatíu en hann meiddist á ökkla fyrir um mánuði síðan.
Það var ekki búist við að Maguire myndi taka þátt í fyrstu tveimur verkefnum Englands en landsliðsþjálfarinn Gareth Southgate hefur staðfest annað.
„Harry verður með á morgun. Við eigum eftir að ákveða hvort hann byrji eða ekki en við erum ánægðir með hans bata," sagði Southgate.
„Hann hefur æft með liðinu í fjóra eða fimm daga og ekkert hefur komið upp."
„Með hverri æfingu þá fær hann meiri trú. Ég held að hann sé á góðum farvegi."
Athugasemdir
