| fim 17. september 2020 19:18 |
|
Siggi Höskulds: Að koma til Grindavíkur og sækja stig er ekki hræðilegt
Sævar Atli Magnússon kom gestunum yfir snemma leiks en Guðmundur Magnússon jafnaði leikinn einungis sex mínútum síðar.
Lestu um leikinn: Grindavík 1 - 1 Leiknir R.
Sigurður Heiðar Höskuldsson, þjálfari Leiknis, sagði að jafntefli hefðu líklegast verið sanngjörn úrslit.
„Þetta var erfiður leikur og svona heilt yfir taktleysi í báðum liðum en mér fannst við betri í fyrri hálfleik en í seinni verður þetta fótbolta sem að mér finnst ekki gaman að horfa á. Full mikil bara læti og eitthvað, seinni bolti, slitið á milli báðu megin og 1-1 örugglega sanngjart," sagði Sigurður.
Sigurður var spurður að því hvort það hafi ekki verið svekkjandi að ná einungis í eitt stig í ljósi þess að Keflavík og Fram gerðu einnig jafntefli í sinni viðureign í dag.
„Þetta er bara einn af þessum leikjum, að koma til Grindavíkur og sækja stig er ekki hræðilegt. Þetta er fínt. Það eru sex leikir eftir og við erum á blússandi „swing" hérna."
Nánar er rætt við Sigurð í spilaranum fyrir ofan.
Athugasemdir
Nýjustu fréttirnar
06:00
22:37
17:10
