Newcastle 2 - 5 Leeds
Hvorugt liðið spilar agaðan varnarleik þannig að þetta verður sjö marka leikur. Eins og flestir leikir Leeds þá verður þetta ofboðslega skemmtilegur leikur og líklegast skemmtilegasti leikur umferðarinnar. Leikstíll Leeds er þannig að annað hvort svínvirkar hann eða bara alls ekki en hann á eftir að skila þeim stórsigri í þessum leik.

Wolves 1 - 0 Brentford
Eins skemmtilegur og leikur Newcastle og Leeds verður þá er ég ansi hræddur um að þessi leikur verði álíka leiðinlegur. Úlfarnir ná að kreista þrjú stig út úr leiknum þar sem bæði lið munu spila varfærnislega.

Burnley 0 - 3 Arsenal
Eftir erfiðar vikur þá geta stuðningsmenn Arsenal brosað um helgina því þeir vinna öruggan sigur. Ekki samt af því að liðið þeirra er svo frábært heldur vegna þess að Burnley er með arfaslakt lið.

Liverpool 2 - 1 Crystal Palace
Liverpool er búið að finna taktinn aftur og tekur þrjú örugg stig. Samt bara eins marks sigur en verða 90% með boltann. Fá á sig eitt klaufamark úr skyndisókn frá Palace eða hornspyrnu og skora sjálfir bara tvö þar sem Palace mun pakka í vörn allan leikinn.

Man. City 4 - 0 Southampton
City mun halda áfram að pakka andstæðingum sínum saman á heimavelli en samt „bara'' 4-0 í þetta skiptið. Leikurinn verður búinn í hálfleik, 3-0, og síðan tekur City liðið það rólega í seinni hálfleik og bætir aðeins við einu marki.

Norwich 1 - 2 Watford
Kannski ekki leikur sem fólk bíður spennt eftir en gríðarlega mikilvægur leikur fyrir bæði lið. Þó svo að mótið sé nýbyrjað þá er þetta klárlega botnbaráttuslagur. Watford hefur haft Norwich í vasanum og það er ekki að fara breytast um helgina.

Aston Villa 1 - 2 Everton
Að mínu mati er Everton með betra lið og betri þjálfara og því er ég viss um útisigur hér þrátt fyrir að Villa sé á heimavelli. Það hefur verið ómögulegt að spá fyrir um úrslit þegar þessi tvö lið mætast undanfarin ár en minn maður Rafa skilar þremur punktum heim.

Brighton 1 - 1 Leicester
Heimamenn hafa byrjað með látum og sjálfstraustið í liðini mun skila góðu stigi gegn Leicester. Þetta er engu að síður fyrsti alvöru andstæðingurinn sem Brighton mætir núna en liðið er klárlega í góðum takti með skipulagða vörn.

West Ham 1 - 3 Man. Utd
Þessi leikur á að vera formsatriði fyrir gestina. Þeir hljóta vilja losa sig við óbragðið eftir ósigurinn gegn Young Boys, eða hvað það heitir liðið sem þeir töpuðu fyrir um daginn.

Tottenham 0 - 1 Chelsea
Mér líst ekki nógu vel á Tottenham þessa dagana og því sé ég ekki fyrir mér að þeir fái nokkuð út úr þessum leik. Chelsea mun samt þurfa hafa fyrir sigrinum. Í besta falli nær Tottenham stigi en ég sé það ekki gerast.

Fyrri spámenn:
Mist Edvards - 5 réttir
Karitas - 5 réttir
Albert Brynjar - 4 réttir
DigiticalCuz - 4 réttir