Franski sóknarmaðurinn mun greina frá ákvörðun sinni á næstu dögum en hann mun velja á milli PSG og Real Madrid.

PSG er þegar búið að taka treyjur Mbappe úr sölu á heimasíðu félagsins og eru meiri líkur en minni á að hann gangi í raðir Real Madrid í sumar.

Hann mun þéna 25 milljónir evra í árslaun og fá 100 milljónir evra fyrir það eitt að skrifa nafn sitt á samninginn.

PSG hefur ekki sagt sitt síðasta og segir Aguirre nú frá því að félagið er tilbúið að gefa honum lykilinn að starfsemi félagsins. Það hljómar allt saman frekar dramatískt en það felst í því að hann fær að velja þjálfara og mun ráða hvaða leikmenn eru fengnir inn og hverjir eru seldir ofan á himinhá launapakkann.

Aguirre segir að örvænting hafi gripið um sig innan félagsins og að þetta sé lokatilraun til að halda Mbappe.