Mane hefur verið magnaður með senegalska liðinu en hann er næst markahæsti maðurinn á mótinu á eftir Odion Ighalo.

Það er ljóst að Mane verður síðasti leikmaðurinn til að mæta til æfinga hjá Liverpool og óljóst hvort hann nái byrjun tímabilsins.

Jürgen Klopp, stjóri Liverpool, sendir Mane reglulega skilaboð til að styðja hann en markmið Mane eru einföld hann kemur ekki heim strax.

„Þið vitið alveg hvernig Klopp er, hann er alltaf að senda mér skilaboð og ég segi alltaf við hann: „Klopp, veistu hvað? Því miður þá er ég ekki að koma til baka núna, það er svolítið í að ég komi aftur og þú þarft að láta mig í friði!" sagði Mane og hló.

Hann var markahæsti leikmaður ensku úrvalsdeildarinnar á síðasta tímabili ásamt Mohamed Salah og Pierre-Emerick Aubameyang.