Franski miðjumaðurinn Tanguy Ndombele er genginn í raðir ítalska félagsins Napoli á eins árs lánssamningi frá Tottenham. Napoli fær svo í kjölfarið tækifæri til þess að kaupa leikmanninn .
Ndombele gekk í raðir Tottenham árið 2019 frá Lyon og greiddi Tottenham 63 milljónir punda fyrir leikmanninn. Hann hefur ekki náð að sýna sitt besta hjá Tottenham og er núna aftur lánaður í burtu.
Hann var á láni hjá Lyon seinni hluta síðasta tímabils, spilaði þar fimmtán leiki og skoraði eitt mark.
Napoli greiðir eina milljón evra fyrir að fá Ndombele og getur svo keypt hann á þrjátíu milljónir evra.
Ndombele er 25 ára gmall og á að baki sjö A-landsleiki fyrir Frakkland.
Athugasemdir
