Heitt undir Eusebio Di Francesco þjálfara Lecce.
Lecce 1 - 2 Cagliari
1-0 Tiago Gabriel ('5 )
1-1 Andrea Belotti ('33 )
1-2 Andrea Belotti ('71 , víti)
1-0 Tiago Gabriel ('5 )
1-1 Andrea Belotti ('33 )
1-2 Andrea Belotti ('71 , víti)
Lecce tók á móti Cagliari í fyrsta leik helgarinnar og náðu heimamenn forystunni snemma leiks þegar miðvörðurinn Tiago Gabriel skallaði fyrirgjöf frá Riccardo Sottil í netið.
Lecce hótaði öðru marki en þegar tók að líða á hálfleikinn urðu gestirnir sterkari aðilinn og verðskulduðu þeir að gera jöfnunarmark þegar Andrea Belotti skoraði á 33. mínútu. Marco Palestra gerði mjög vel í undirbúningnum.
Cagliari komst nálægt því að taka forystuna fyrir leikhlé þar sem Michael Folorunsho komst nálægt því að skora í tvígang en hæfði sitthvora markstöngina.
Síðari hálfleikurinn var jafn og lítið um færi, en vítaspyrnudómur réði úrslitum. Belotti steig á punktinn og skoraði með föstu skoti meðfram jörðinni, eftir klaufalega tæklingu hjá markaskoraranum Tiago Gabriel innan vítateigs.
Lecce tókst ekki að jafna metin á ný svo lokatölur urðu 1-2 fyrir Cagliari.
Cagliari hefur farið mjög vel af stað í ítölsku deildinni og er liðið með sjö stig eftir fjórar fyrstu umferðirnar. Lecce er á botninum með eitt stig.
Þórir Jóhann Helgason var ónotaður varamaður í liði Lecce.
Athugasemdir
