Sænska goðsögnin Zlatan Ibrahimovic er enn í fullu fjöri með Los Angeles Galaxy í bandarísku MLS deildinni þrátt fyrir að vera orðinn 37 ára gamall.
Í nótt átti LA Galaxy nágrannaslag gegn Los Angeles FC og var Zlatan í aðalhlutverki.
Carlos Vela, fyrrum leikmaður Arsenal, gerði fyrsta mark leiksins en Zlatan svaraði fyrir sig með stórkostlegri þrennu sem er hægt að sjá hér fyrir neðan. Vela minnkaði muninn í uppbótartíma en það nægði ekki til.
Los Angeles FC trónir á toppi vesturhluta MLS deildarinnar og er LA Galaxy í öðru sæti, níu stigum eftirá.
Mér er alveg sama þó þið kallið þetta bumbuboltadeild og hvar hún er í heiminum. Að vera enn að bjóða upp á þetta, 37 ára, tveggja metra maður með nýgróin krossbönd. Hvaða rugl eridda? Úr hverju er þessi gæji? https://t.co/tKx29uqaCR
— S. Mikael Jónsson (@S_Mikael_J) July 20, 2019
Athugasemdir
