Lyon er að styrkja sóknarlínuna eftir að Memphis Depay meiddist illa í desember. Franska félagið er talið greiða 4 milljónir evra fyrir lánið og hefur möguleika á að ganga frá kaupum á sóknarmanninum fyrir 11 milljónir í viðbót næsta sumar.

Ekambi er þekktur fyrir að vera markaskorari og gerði 24 mörk í 62 leikjum hjá Villarreal, þó aðeins 16 í 52 deildarleikjum.

Á þessari leiktíð er hann kominn með 6 mörk í 18 deildarleikjum þrátt fyrir að koma mikið inn af bekknum.

Ekambi þekkir vel til í Frakklandi og gerði 17 mörk í 37 deildarleikjum hjá Angers tímabilið 2017-18, áður en hann var keyptur til Villarreal fyrir 18 milljónir evra.