21.01.21 - 13:11
Magnús Már Einarsson
Arnór Ingvi: Segi ekki já við hverju sem er
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Ég ætla ekki að segja já við hverju sem er. Þetta þarf að vera gott fyrir mig og Malmö líka," segir Arnór Ingvi Traustason, leikmaður Malmö, við Fotbollskanalen í dag en hann var í gær orðaður við bæði New England Revolution í MLS-deildinni og Lecce í Serie B á Ítalíu.
Arnór átti ekki fast sæti í liði Malmö á síðasta tímabili og lýsti því yfir í viðtali við Fótbolta.net í nóvember að hann væri tilbúinn að líta í kringum sig.
Arnór átti ekki fast sæti í liði Malmö á síðasta tímabili og lýsti því yfir í viðtali við Fótbolta.net í nóvember að hann væri tilbúinn að líta í kringum sig.
„Ég tel að ég geti hjálpað liðinu mikið en það veltur á þjálfaranum hver spilar. Auðvitað viltu spila og ég vinn í því á hverjum degi. Þetta er nýtt tímabil og ný tækifæri. Þetta snýst bara um að leggja hart að sér," sagði Arnór við Fotbollskanalen í dag.
Fyrrum danski landsliðsmaðurinn Jon Dahl Tomasson er þjálfari Malmö en Arnór Ingvi segist ekki hafa fundað með honum um stöðuna ennþá.
Arnór á ár eftir af samningi sínum en hann vill ekki greina frá því hvort Malmö hafi rætt við hann um framlengingu.
Fyrrum danski landsliðsmaðurinn Jon Dahl Tomasson er þjálfari Malmö en Arnór Ingvi segist ekki hafa fundað með honum um stöðuna ennþá.
Arnór á ár eftir af samningi sínum en hann vill ekki greina frá því hvort Malmö hafi rætt við hann um framlengingu.
