„Við vorum mjög slakar í fyrrihálfleik, enginn ferskleiki og engin framtakssemi. Náðum ekki að nýta okkur liðsmuninn í fyrrihálfleik og í rauninni ekki fyrsta korterið í seinni hálfleik. Við vorum bara lélegar í fyrrihálfleik og það var það sem að drap okkur í þessum leik." sagði Jón Óli Daníelsson þjálfari ÍBV eftir 2-1 tap gegn KR í kvöld.

Lestu um leikinn: KR 2 -  1 ÍBV

Næsti leikur ÍBV er úti í Eyjum á mánudaginn gegn Stjörnunni.

„Það leggjast öll verkefni vel í mann og nú þurfum við bara að ná okkur niður eftir þennan leik og byrja að undirbúa næsta leik."

Það hefur vakið athygli margra að Jón Óli hefur ekki stýrt liði sínu af bekknum og ekki verið á leikskýrslu. Hann kýs að vera í stúkunni og stýra liðinu þaðan. Hann ætlar að vera áfram í stúkunni í næsta leik.

„Já bara til að koma því á framfæri, ég er búinn að þjálfa í milljón ár og ég hefði í raun bara átt að byrja á þessu fyrr. Ekki það að ég hef verið að gera þetta tvö síðustu ár með karlaliðinu. Þegar ég var að þjálfa með Kristjáni þá hef ég verið í stúkunni."

„Mér finnst ég ekki sjá leikinn rétt svona af jörðu og þá er annað hvort að hætta að þjálfa eða að fara upp í stúku og sjá hann í réttu ljósi. En við erum í góðu sambandi ég og bekkurinn og þetta er í sjálfu sér engin breyting."

Tweet

Senda a Facebook Hafdu samband Senda frétt Prenta frétt Frétta leit