„Framherji á tánum sem skorar fyrsta mark leiksins eftir sláarskot Arons Jó. Bætti við öðru úr víti seint í leiknum en það sést á leik hans að hann er með sjálfstraustið í lagi og óhræddur og óþreytandi við það að keyra á varnir andstæðingana. Flottur leikur hjá Sigurði í kvöld," skrifaði Sverrir.

Í útvarpsþættinum Fótbolti.net á X977 fyrr í sumar var talað um að besta lýsingin á Sigurði Bjarti sem leikmaður væri „sveitastræker" en hann er gríðarlega duglegur leikmaður sem er uppalinn hjá Grindavík.

„Siggi er gríðarlega öflugur leikmaður og það sem Siggi hefur líka er þetta hugarfar sem hann er með. Hann er með hugarfar sigurvegarans, hann mætir og vinnur sína vinnu alltaf og er bara að uppskera," sagði Sigurbjörn Hreiðarsson, þjálfari Grindavíkur, um Sigurð Bjart fyrr á tímabilinu.

Spurning er hvort Sigurður Bjartur nái að hjálpa Grindavík að ná því markmiði að komast upp í efstu deild á þessu tímabili? Næsti leikur liðsins er gegn Kórdrengjum í Breiðholtinu, gegn liðinu sem er sæti neðar og stigi frá þeim. Feikilega mikilvægur leikur í Lengjudeildinni.

Leikmenn umferðarinnar í Lengjudeildinni:
6. umferð: Davíð Þór Ásbjörnsson (Kórdrengir)
5. umferð: Kyle McLagan (Fram)
4. umferð: Albert Hafsteinsson (Fram)
3. umferð: Gonzalo Zamorano (ÍBV)
2. umferð: Kristófer Óskar Óskarsson (Afturelding)
1. umferð: Pétur Theodór Árnason (Grótta)