Mynd: Fótbolti.net - Hafliði Breiðfjörð

„Það er alltaf gott að halda hreinu en mér fannst við geta sett 1-2 mörk í viðbót á þá, mér fannst við eiga það inni en 2-0 er bara solid," sagði Ingvar í samtali við Fótbolta.net

„Við vorum betri, það er skrítið að fara í svona leik, ég áttaði mig ekki alveg á styrkleikanum. Ég man þegar við mættum velsku liði árið 2014 með Stjörnunni og við unnum það einvigi 8-0. En af klippunum að dæma litu þeir vel út og sýndu að það væru hörku fótboltamenn þarna. Við vorum svolitlir klaufar stundum."

Ingvar brást hratt við þegar Kyle var í einhverju brasi snemma leiks.

„Það var einhver fiðringur í mönnum og sérstaklega í byrjun. Kyle nátturulega búinn að vera frá í smá tíma og kannski extra stress hjá honum í byrjun en ég náði að redda honum, til þess er ég hérna."