Harry Kane, fyrirliði enska landsliðsins, verður meðal tíu landsliðsfyrirliða sem bera munu 'OneLove' fyrirliðabönd á HM í Katar sem hefst í nóvember.
Holland hóf 'OneLove' herferðina í aðdraganda EM alls staðar en í henni er lögð áhersla á mannréttindi, jafnrétti og þátttöku ólíkra hópa. Belgía, Danmörk, Frakkland, Þýskaland, Noregur, Svíþjóð, Sviss og Wales taka einnig þátt í herferðinni.
Holland hóf 'OneLove' herferðina í aðdraganda EM alls staðar en í henni er lögð áhersla á mannréttindi, jafnrétti og þátttöku ólíkra hópa. Belgía, Danmörk, Frakkland, Þýskaland, Noregur, Svíþjóð, Sviss og Wales taka einnig þátt í herferðinni.
Fyrirliðar þessara þjóða (fyrir utan Noregs og Svíþjóðar sem ekki komust á mótið) verða með 'OneLove' fyrirliðabandið í Katar.
Í landinu er samband einstaklinga af sama kyni bannað og einnig er fræðsla um samkynhneigð skilgreind sem glæpur.
Kane segir að það sé heiður að taka þátt í 'OneLove' samstarfinu en hann mun vera með bandið í Þjóðadeildarleiknum gegn Ítalíu á föstudaginn.
„Sem fyrirliðar þá munum við allir keppa gegn hvor öðrum á vellinum en stöndum saman gegn allri mismunun. Þetta er sérstaklega mikilvægt þegar mismunun er tekin sem sjálfsögðum hlut í samfélögum," segir Kane.
„Að vera með fyrirliðabandið sendir skýr skilaboð þegar heimurinn er allur að horfa."
Athugasemdir
