Mikael Neville Anderson kom inn á sem varamaður á 87. mínútu þegar Midtjylland tapaði 4-0 fyrir Atalanta í fyrsta leik sínum í riðlakeppni Meistaradeildarinnar.
Með því að koma inn á í leiknum varð Mikael fjórtándi íslenski karlmaðurinn sem tekur þátt í Meistaradeild Evrópu, það er að segja aðalkeppninni - ekki forkeppninni.
Mikael er 22 ára gamall kantmaður sem á að baki sjö A-landsleiki með Íslandi.
Hann hefur lengi búið í Danmörku og gat valið að spila fyrir danska landsliðið, en valdi það íslenska frekar.
Auk þess að vera með Atalanta í riðli þá er Midtjylland einnig með Liverpool og Ajax í riðli.
Athugasemdir