„Fanndís þarf vart að kynna fyrir fótboltaáhugamönnum en hún er einn reynslumesti leikmaður liðsins, hefur spilað 232 leiki í efstu deild og skorað í þeim leikjum 115 mörk. Þá hefur hún spilað 109 A landsleiki og skorað 17 mörk. Fanndís hefur verið mikilvægur hluti af liðinu síðan 2018, verið frábær fyrirmynd fyrir yngri leikmenn og því mikil ánægja að njóta krafta hennar áfram á Hlíðarenda!" segir í tilkynningu Vals.

Fanndís kom í Val frá franska félaginu Marseille um mitt sumar 2018. Hún hefur einnig spilað með Breiðabliki, Kolbotn, Arna-Björnar og Adelaide United á sínum ferli.

Á liðnu tímabili lék hún sextán leiki og skoraði fjögur mörk.