Það bætir enn í þann fjölda Íslendinga sem verða hjá ítalska félaginu Torino næstu daga því Fjölnismaðurinn Júlíus Mar Júlíusson er á leið til félagsins.
Í gær var greint frá því að Torfi Geir Halldórsson (2004) væri á leið til félagsins og myndi bæði æfa og spila með unglingaliði þess. Þá er Róbert Quental Árnason (2005) að ganga í raðir félagsins og verður kynntur á næstu dögum.
Í gær var greint frá því að Torfi Geir Halldórsson (2004) væri á leið til félagsins og myndi bæði æfa og spila með unglingaliði þess. Þá er Róbert Quental Árnason (2005) að ganga í raðir félagsins og verður kynntur á næstu dögum.
Júlíus heldur utan í dag og verður í viku á Ítalíu. Hann er sautján ára (2004) og spilaði með Vængjum Júpíters á síðustu leiktíð.
Hann er hávaxinn og spilar oftast sem djúpur miðjumaður. Í vetur hefur hann komið við sögu í öllum leikjum Fjölnis í Reykjavíkurmótinu og lék 80 mínútur gegn Víkingi í gærkvöld.
Athugasemdir