Ítalska félagið Cagliari hefur ákveðið að gera þjálfaraskipti en Eusebio Di Francesco var rekinn í dag og er Leonardo Semplici tekinn við liðinu.
Di Francesco var rekinn frá Cagliari eftir slæmt gengi á tímabilinu en liðið er í 18. sæti deildarinar og fimm stigum frá öruggu sæti.
Cagliari ákvað því að láta Di Francesco taka poka sinn í dag en félagið tók sér ekki langan tíma í að finna eftirmann hans.
Leonardo Semplici er tekinn við liðinu en hann sagði upp hjá ítalska B-deildarfélaginu Spal áður en hann skrifaði undir samninginn hjá Cagliari.
Semplici gerir samning við Cagliari út næsta tímabil en Andrea Consumni verður honum til aðstoðar hjá liðinu.
Athugasemdir