Jón Dagur keyrði á varnarmann Randers, dró boltann til baka og átti frábæra sendingu fyrir markið sem Albert Grønbæk skallaði í markið. Frábært gert hjá Íslendingnum knáa en myndband af stoðsendingunni hjá sjá hér að neðan.

Jón Dagur var tekinn af velli á 84. mínútu en AGF innsiglaði sigurinn í uppbótartíma.

AGF er í þriðja sæti deildarinnar en á toppnum er Midtjylland sem vann sannfærandi sigur á FC Kaupmannahöfn í kvöld. Mikael Neville Anderson kom inn á sem varamaður hjá Midtjylland á 81. mínútu.

Midtjylland er með fjögurra stiga forskot á Bröndby á toppnum þegar sex umferðir eru eftir.