Daníel, sem verður átján ára í ágúst, hefur verið í lykilhlutverki á tímabilinu, hefur leyst stöðu vintri bakvarðar í vetur og er stoðsendingahæstur í liðinu ásamt hægri bakverðinum með tíu stoðsendingar.

Þegar tölfræði Wyscout er skoðuð er Daníel í þriðja sæti yfir „lateral" varnarmenn (bakverði) í U19 deildinni.

Efsti maður þar á lista hefur spilað talsvert fleiri mínútur en Daníel sem varð ekki fastamaður fyrr en talsvert var liðið á tímabilið.

Daníel hefur einnig komið við sögu í æfingaleikjum hjá bæði aðal- og varaliðinu á tímabilinu. Í þeim leikjum hefur hann leyst stöðu kantmanns.

Hann er hluti af U19 landsliðinu sem er á leið í lokakeppni EM í júlí.

Hann á alls að baki átta landsleiki í þeim aldursflokki og lék átján mínútur í lokaleiknum í mars þegar farmiðinn til Möltu var bókaður.