Það voru 30 þjálfarar að útskrifast með KSÍ A þjálfararéttindi og má finna nokkur þekkt nöfn þar á meðal.
Tveir hópar útskrifuðust á sama tíma, bæði þeir sem byrjuðu í september 2020 og september 2021 enda hafði Covid mikil áhrif á lengd námstímabilsins.
Meðal þess sem gert var á námskeiðinu var leikgreining, tímabilaskipting, bóklegt og verklegt próf sem og hópavinna þar sem þjálfararnir fylgdust með hver öðrum að störfum í þeirra umhverfi undir eftirliti leiðbeinanda frá KSÍ. Hluti af námskeiðinu fór fram í viku námsferð til Kaupmannahafnar.
Pálmi Rafn Pálmason, Hallgrímur Jónasson og Jonathan Glenn eru meðal þeirra sem eru að ljúka námi en þar má einnig finna nokkra núverandi þjálfara á borð við Nik Chamberlain, Magnús Má Einarsson og Davíð Þór Viðarsson.
Næsta þjálfaragráða fyrir ofan A-gráðuna heitir UEFA Pro.