Fótbolti.net

Jökull: Það var bara óþarfi

Hetja Þórsara gegn Val: Búinn að bíða helvíti lengi eftir því að koma inn á

Emil Atla: Þetta var erfiður leikur maður

Haddi: Mjög svekkjandi það sem ég heyri

Siggi um ummæli Hemma: Hann má alveg halda það

Halli Gumm: Sex mínútur eftir - Þurfum að geta haldið þetta út

Hemmi eftir tap gegn Þór: Stjórnuðum leiknum frá A til Ö

Sextán ára hetja KR - „Er það ekki sem fólkið vill?“

Óskar Hrafn: Svona frammistaða í fyrra hefði skilað okkur 4-3 tapi

Diljá Ýr: Mörkin liggja í loftinu

Ingibjörg: Maður lærir ótrúlega mikið af þessum leikjum

Sandra María: Sallaróleg og veit að mörkin koma

Viggó ánægður að vera kominn aftur heim

Aleksandar Linta: Eigum séns gegn Val

Jói Kalli: Litlir í okkur í fyrri hálfleik

Hlín Eiríks: Það er ekki hægt að vinna fótboltaleik nema maður skori

Karólína Lea: Þetta snýst um meira en bara fótbolta hjá þeim

Badu: Ánægður að hafa unnið leikinn svona miðað við hvernig hann spilaðist

Hafrún Rakel: Við þurfum að sýna að við erum betra lið og klára leikinn

Brynjar Björn: Svekkjandi að tapa á svona marki

lau 22. júní 2024 19:17

Sæbjörn Þór Þórbergsson Steinke

Skælbrosti eftir sætan sigur á Akureyri - „Það var bara geðveikt"

Ólafur Hrannar Kristjánsson er fyrrum leikmaður og fyrirliði Leiknis.

Mynd: Fótbolti.net - Hafliði Breiðfjörð

'Það var bara geðveikt að sjá Shkelzen skora, tilfinningin rosalega góð'

Mynd: Jónína Guðbjörg Guðbjartsdóttir

„Þetta var mjög, mjög, mjög sætur sigur. Það hefur verið frekar torsótt hjá okkur í sumar að sækja stig og við vorum svekktir eftir síðasta leik að hafa ekki allavega fengið (eitt) stig á móti Grindavík. Þessi sigur er virkilega kærkominn," sagði Ólafur Hrannar Kristjánsson sem stýrði Leikni til sigurs gegn Þór í dag.

Fyrir leikinn var Leiknir í botnsætinu, og liðið er svo sem ennþá þar, en nú með jafnmörg stig og Þór og Þróttur.

Lestu um leikinn: Þór 1 - 2 Leiknir R.

Óli Hrannar var ánægður með mjög margt í leik Leiknis. „Vinnuframlagið var gjörsamlega til fyrirmyndar, sérstaklega eftir að við skorum annað markið. Strákarnir voru svo ákveðnir og ákafir í að taka þrjá punkta og sigla þessu heim. Það var geggjað að sja hvernig þeir börðust og lögðu sig fram fyrir hvorn annan og sóttu sigurinn."

Mörk Leiknis komu úr virkilega öflugum skyndisóknum. „Ég er mjög sáttur við hvernig strákarnir framkvæmdu skyndisóknirnar. Við fórum aðeins yfir það í hálfleik af því við vorum að klúðra tækifærum í skyndisóknum í fyrri hálfleik, vildum gera það betur. Það gekk fullkomlega upp í seinni hálfleik."

„Það var bara geðveikt að sjá Shkelzen skora, tilfinningin rosalega góð," sagði Óli Hrannar og skælbrosti.

Hann vildi fá vítaspyrnu þegar Shkelzen datt inn á vítateig Þórs í seinni hálfleik. Hann fór líka yfir ástæðuna fyrir því af hverju Omar Sowe byrjaði ekki síðasta leik, það var vegna meiðsla og var þjálfarinn ánægður með frammistöðu framherjans í dag.

Hélt hann að Leiknir væri að missa leikinn frá sér þegar Þór jafnaði leikinn?

„Nei, ekkert endilega. Við misstum svolítið tökin á leiknum eftir að við skorum, erum þá farnir að verja aðeins of mikið og hræddari við að halda í boltann sem hafði gefið okkur mjög góðar sóknir fram að því."

„Við vissum fyrir leikinn að þrjú stig yrðu risastór fyrir okkur til að komast upp í miðjumoðspakkann. Við eigum strembið prógram næstu vikuna; eigum Þrótt heima, svo komum við aftur norður eftir átta daga og spilum við Dalvík," sagði Óli Hrannar að lokum. Nánar var rætt við hann og má sjá viðtalið í heild í spilaranum efst.