Breiðablik mætir Austria Vín í Sambandsdeildinni klukkan 16:00 í dag. Um er að ræða fyrri leik liðanna í 2. umferð forkeppninnar og fer fyrri leikurinn fram í Austurríki. Seinni leikurinn fer svo fram á Kópavogsvelli eftir viku.

Viktor Örn Margeirsson, leikmaður Breiðabliks, ræddi við Fótbolta.net í gær.

Úr viðtalinu:
„Vitum hvað við getum og það er kannski fyrst að koma almennilega í ljós"
Viktor Örn: Held að hann græði meira á því en ég

Viktor var einnig spurður út í komu broður síns til félagsins. Finnur Orri Margeirsson sneri aftur í Breiðablik eftir ár í Noregi og fimm tímabil í Vesturbænum.

Hvernig er að fá Finn Orra í hópinn?

„Það er mjög gott og eflir hópinn mjög mikið. Ég tel þetta virkilega öfluga viðbót við þennan hóp. Hann þekkir þetta inn og út, hefur unnið stóra titla og er með hellings reynslu. Hann er gríðarlega góður og fjölhæfur spilari," sagði Viktor.

„Hann var aðeins óheppinn í aðdraganda mótsins, var frá í smá tíma og er að komast í takt við þetta. Hann á eftir að bæta í og bætir hópinn. Við erum með risastóran hóp, góðir einstaklingar í hópnum, breiddin er góð eins og liðsheildin. Finnur gerir fátt annað en að bæta hana og efla."

Eruði vanir að spila saman?

„Við höfum í gegnum tíðina ekki oft spilað saman. Við eigum einhverja leiki og æfingar þegar ég er að koma upp í meistaraflokkinn. Við höfum spilað nokkra leiki saman núna á þessu tímabili, það er gaman að spila með honum og erum mjög góðir vinir."

„Við tengjum vel saman og eigum sennilega eftir að spila meira saman á þessu tímabili og komandi tímabilum," sagði Viktor að lokum.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit