Sky Sports er búið að ráða Roy Keane til starfa sem knattspyrnusérfræðing og verður hann í stúdíóinu þegar Man Utd heimsækir West Ham í dag.
Þar mun hann starfa með mönnum á borð við Gary Neville, Jamie Carragher, Graeme Souness og Jose Mourinho.
„Ég þurfti ekki að hugsa mig tvisvar um þegar mér var boðið starfið. Ég hef sinnt nokkrum verkefnum fyrir Sky Sports og alltaf notið mín," sagði Keane.
„Ég elska þessa íþrótt og vil starfa í kringum fótboltaheiminn þó ég sé ekki að þjálfa. Þetta er það næstbesta eftir þjálfun.
„Ég tel þetta starf henta mér vel því ég hef sterkar skoðanir. Þetta starf snýst nánast eingöngu um skoðanir."
Athugasemdir